د بدخشان په یفتل پایین ولسوالۍ کې د سړک د بیارغونې چارې ۴۰ سلنه پرمختګ لري
دا جغلي سړک چې ۸.۴۲ کیلومتره اوږدوالی لري، د بدخشان ولایت د یفتل ولسوالۍ په سریننګ کلي کې بیارغول کیږي، چې تر دې مهاله یې د جوړلو کار ۴۰ سلنه پرمختګ لري
د یاد سړک رغنیز کار د څه باندې ۲۹ میلیون افغانیو په ارزښت د ټولګټو وزارت او یوه خصوصي ودانیز شرکت تر منځ تړون شوی، چې مالي لګښت یې د هیواد له ملي بوديجې څخه ورکول کیږي
د دې پروژې د رغنیز کار پرمهال، د بدخشان ولایت د یفتل پایین ولسوالۍ اوسېدونکو ته په مستقیم او غیرمستقیم ډول ۵۴۱۰ کاري ورځي رامنځته شي، همدارنګه د دې سړک د رغنیز کار له بشپړیدو سره به، د هغو کلیو ترانسپورتي ستونزې راکمي شي چې سړک ته نږدې دي، او د اړوند کليو اوسېدونکې به د یاد سړک پرمټ د یفتل پايين ولسوالۍ له مرکز سره ونښلي
د ټولګټو وزارت رسنیز دفتر
