د هیواد د سړکونو او لویو لارو د نن ورځې وضعیت:

نن ورځ په سالنګونو کې هوا لمر ده او دغه لویه لار د ترافیکو پرمخ پرانیستې ده، دا مهال مسافر وړونکي موټر له دواړو لورو او بار وړونکي موټر له جنوب څخه شمال لوري ته تګ کولی شي. بدخشان: په دغه ولایت کې د ارغنچخوا، یفتل، راغستان، یاوان او کوهستان ولسوالیو مسیر د باد راوړي واورې له امله د ترافیکو پرمخ بند دي، چې د یاد ولایت د ټولګټو ریاست لخوا یې د پاکولو کار جریان لري. بامیان: په دغه ولایت کې یواځې د بامیان – یکاولنګ مسیر د واوروې پاکولو کار جریان لري، د یاد ولایت نور ټول مسیرونه د تګ راتګ پرمخ پرانیستې دي. همدارنګه، په فراه کې د پرچمن ولسوالۍ او په سرپل کې د قم کوتل لارې د ورستیو واورو له امله بندې شوې دي؛ خو د قم کوتل بدیله لاره پرانیستې ده. د یادونې وړ ده، تر دا مهاله د هیواد نور ټول نښلونکي سړکونه او لویې لارې د تګ راتګ پرمخ خلاصې دي او کوم ترانسپورتي خنډ شتون نه لري.