د ټولګټو وزارت اداري ناسته ترسره شوه
د ټولګټو وزارت اداري ناسته د دغه وزارت د سرپرست محترم ملا محمد عیسی ثاني په مشرۍ، د دغه وزارت د تخنیکي معین مولوي عبدالکریم فاتح او رئیسانو په شتون کې ترسره شوه.
دغه غونډه، چې د قران کریم د څو مبارکو ایاتونو سره پیل شوه، دټولګټو وزارت سرپرست محترم ملا محمد عيسی ثاني و ويل: ټولګټو وزارت یو له خدماتي او سکټوري وزارتونو څخه دي، نو شپه او ورځ باید هيوادوالو ته د ترانسپورتي اسانتياوو برابرولو په برخه کې کار وشئ.
محترم ملا محمد عيسی ثاني زیاته کړه: موږ د خلکو سره ژمنه کړې چې دافغانستان وګړو( خلکو) ته به شپه او ورځ خدمت کوو او ان شاءالله دا ژمنه به پوره کړو.
د ټولګټو وزارت سرپرست زیاته کړه: د کابل - کندهار لويې لارې د اساسي ترميم او بیارغونې کار چې په بيلابيلو برخو کې ( د ټول پلازا، معدن او د دغه وزارت بوديجې په بدل کې) د سړک جوړوني ساختماني شرکتونو سره قرارداد شوی دي، چې کار به یې په نږدې راتلونکي کې پیل کړو.
هغه و ويل: هغه پروژې چې کار يې په بیلابیلو ولایتونو کې کمه فيصدي پاته دي، وزارت به یې په اړه؛ خپلو مالي امکاناتو ته په کتو تصميم ونيسي.
د ټولګټو وزارت سرپرست د دغه وزارت ولایتي رئیسانو ته ښو ونه وکړه چې دخلکو ترانسپورتي اسانتياوو او د سړک ساتنې او څارنې په برخه کې اساسي ګامونه واخلي تر څو هيواد والو ته غوره ترانسپورتي اسانتياوې برابرې شي.
د اداري ناستې په دوام، د دغه وزارت رئیسانو د پروژو د سروي او ډيزاين، دسړکونو حریم، کاري استقامتونو، د نويو پروژو د کار په پيل او مالي او تدارکاتي مسائلو بحث وکړ.
د ټولګټو وزارت رسنیز دفتر
