د پل عالم ښار دننه سړکونو د سروې تخنیکي چارې پیل شوې
وروسته له هغه چې د لوګر د مرکز پل علم ښار اوسېدونکو د ښار له سړکونو شکایت درلود او غوښتنه یې کوله چې سړک یې کنډ او کپر شوی نو ټولګټو وزارت غوره وبلل چې دا سړکونه تر سروې وروسته په اساسي ډول ډیزاین او جوړ کړي.
اوس مهال د پل علم ښار دننه ۱.۴ کیلومټره سړک د تخنیکي سروې چارې پیل شوې چې په نږدې وخت کې به دا سروې بشپړه او پر رغنیزو چارو به یې کار پیل شي.
دا سړکونه د تګ او راتګ لپاره په دواړو خواو کې په بنسټیز ډول جوړیږي چې د ښار په ښکلا او د ښاریانو د ستونزې په هواري کې به مرسته وکړي.
