د پنجشیر ولایت د عمومي سړک د پراخولو کار پیل شو
د پنجشیر ولایت د عمومي سړک د پراخولو کار، د دغه ولایت د یو شمېر سیمه اییزو مسؤولینو او قومي مخورو په شتون کې پیل شو.
د دغې پروژې د پیل په مراسمو کې د سالنګونو د ساتنې او څارنې رئیس او د پنجشیر د ټولګټو ریاست وارسي کوونکي وویل، چې د یاد سړک د پراخولو کار د مرکز بازارک اړوند په تندي خواجه سیمه کې پیل شوی.
هغه همدارنګ زیاته کړه، چې د پنجشیر عمومي سړک په اوږدو کې کم سوره او تنګې ګولایاني شتون لري، چې د موټر چلونکو د لېدلو سیمه یې لنډه کړي او ډيری وخت د ترافیکي پيښو لامل کیږي.
د ټولګټو وزارت د سالنګونو د ساتنې او څارنې رئیس او د پنجشیر ولایت د ټولګټو ریاست وارسي کوونکي همدارازا همدارنګه څرګنده کړه، چې د دغه عمومي سړک زیان قبولونکي برخې له وړاندې تثبیت شوې دي او ګزارش یې ټولګټو وزارت ته استول شوی او بودیجه یې هم منظور شوې ده.
