د کابل – میدان ښار د ۸ کیلومتره سړک د ترمیم اساسي چارې رسماً پیل شوې

ashraf_admin
دوشنبه ۱۴۰۰/۷/۱۹ - ۹:۵۷
د کابل – میدان ښار د ۸ کیلومتره سړک د ترمیم اساسي چارې رسماً پیل شوې

د کابل – میدان ښار د ۸ کیلومتره سړک د ترمیم اساسي چارې رسماً پیل شوې

د کابل ښار د کمپنۍ له پُل څخه د میدان ښار په لور د ۸ کیلومتره سړک د ترمیم ( قیرریزي ) چارې د ټولګټو وزارت د تخنیکي مرستیال سید ادریس میر، د کابل ولایت د ټولګټو رئیس مفتي محمد هارون او د دې وزارت یو شمیر تخنیکي رئیسانو په شتون کې رسماً د پټۍ په پرې کولو سره پیل کړې.

 د ټولګټو وزارت سرپرست تخنیکي مرستیال د دې پروژې د پیل په مراسیمو کې وویل: د ا. ا. امــــارت د ټولګټو وزارت هغو سړکونو او پلونو ترمیم ته لومړيتوب ورکوي چې ‌ډیري برخې یې تخریب شوي دي او د خلکو په تګ راتګ کې یې ستونزې رامنځته کړي دي.

هغه زیاته کړه چې د کابل – میدان ښار ۸ کیلومتره سړک اساسي ترمیم (قیرریزي) د څه باندې ۳۰ میلیونه افغانیو په ارزښت د ټولګټو وزارت او هیواد نګین خصوصي ودانیز شرکت ترمنځ تړون شوی چې کار به یې په راتلونکي ۳۵ ورځو کې بشپړ شي.

د ټولګټو وزارت تخنیکي مرستیال همدارنګه وویل: د ا. ا. امــــارت له لوري د زابل – میدان وردګو لویې لارې میلینګ کاري او ترمیم، د سالنګ لویې لارې د ۳۰ کیلومتره ترمیم او د زابل ولایت د شهر صفا ولسوالۍ اړوند د دریو لویو پلونو د ترمیم چارې له وړاندې پیل کړي وې چې دا مهال یې کار دوام لري او د سړکونو د ترمیم او بیارغونې دا لړۍ به د هیواد ټولو ولایتونو ته وغځول شي.

ورپسې د ټولګټو وزارت د ساتنې او څارنې معینیت مشاور حافظ منور خبرې وکړې ویي ویل: د ساتنې او څارنې معینیت له خوا د سړکونو ټولي هغه برخې چې د خلکو په تګ راتګ او د ژمي په موسم کې یې ترانسپورتي ستونزې رامنځته کړي، د ترانسپورتي ستونزو د حل په موخه د ټولګټو وزارت له لوري اساسي پلانونه نیول شوي.

هغه زیاته کړه چې د کابل – میدان ښار سړک ټولټال ۲۴ کیلومتره اوږدوالی لري چې له ډلي یې د ۸ کیلومتره سړک د ترمیم چارې نن پیل شوې او پاته ۱۶ کیلومتره په تخنیکي پړاونو کې دی چې راتلونکي کې به یې عملي کار پیل شي.

په پای کې د کابل ولایت د ټولګټو رئیس مفتي محمد هارون خبرې وکړي او په ټاکلي وخت، غوره کیفیت، د تخنیکي مشخصاتو مطابق د پروژې له پلي کیدو څخه ډاډ څرګند کړ او د سیمې له خلکو څخه يې د یادي پروژې په تطبیق کې د مرستې وغوښته.

د ټولګټو وزارت رسنیز دفتر

...

2 کلونه ۱ میاشت ago

...

...

تازه خبرونه

یکشنبه ۱۴۰۴/۴/۸ - ۱۳:۴۱
Background image

در ماه جوزا از طریق خطوط آهن (۳۱۲۳۹7) متریک تُن انتقالات صورت گرفته است

 از آغاز تا ختم ماه جوزا سال ۱۴۰۴هـ.ش. از طریق خطوط آهن وزارت فوایدعامه افغانستان (۳۱۲۳۹۶) متریک تُن انتقالات صورت گرفته است.

در این میان از طریق بندر حیرتان (۲۴۲۳۵۷) تُن، بندر آقینه. . .

یکشنبه ۱۴۰۴/۴/۸ - ۱۳:۳۶
Background image

په جوزا مياشت کې د اوسپنې پټلۍ له لارې (۳۱۲۳۹۷) مټریک ټنه انتقالات شوي دي

 د ۱۴۰۴ هـ.ش. کال د جوزا مياشتې له پيله تر پايه د ټولګټو وزارت د اوسپنې پټلۍ له لارې (۳۱۲۳۹۷) مټریک ټنه انتقالات شوي دي.

د حیرتان بندر له لارې (۲۴۲۳۵۷) ټنه، د آقینې بندر له لارې (۱۶۷۶۰. . .

پنجشنبه ۱۴۰۴/۳/۲۹ - ۸:۱۸
Background image

د بلخ-هرات او هرات-کندهار د اوسپنې پټلۍ د ټاکل شويو مسيرونو د تائيدۍ په تړاو د همغږۍ دويمه ناسته وشوه

 د ا.ا.ا د رياست الوزراء عالي مقام د حکم په اساس؛ د ټولګټو وزارت د تخنيکي مرستيال محترم مولوي عبدالکریم فاتح په مشرۍ د بلخ-هرات او هرات-کندهار د اوسپنې پټلۍ د ټاکل شويو مسيرونو د تائيدۍ. . .

BACK TO NEWS