د کندهار- ارزګان لویې لارې د ۲۰۹ کیلومتره سړک د اسفالټ اچونې چارې پیل شوې

media_admin
سه‌شنبه ۱۴۰۲/۸/۳۰ - ۱۴:۱۰
د کندهار- ارزګان لویې لارې د ۲۰۹ کیلومتره سړک د اسفالټ اچونې چارې پیل شوې

د کندهار- ارزګان لویې لارې د ۲۰۹ کیلومتره سړک د اسفالټ اچونې  چارې د ریاست الوزراء اقتصادی مرستیال محترم ملا عبد الغني برادر، د ټولګټو وزارت د سرپرست وزیر محترم الحاج ملامحمد عیسی ثاني، د یاد ولایت د ټولګټو چارو د رئیس محترم مولوي عبدالهادي يعقوب، د لويديځ زون د پروژو مسئول محترم انجنير شير حسن خوشیوال، د خاکريز او ارغنداب ولسواليو ولسوالانو، امنیه قوماندانانو او  یو شمېر نورو سيمه ايزو چارواکو او قومي مخورو په شتون کې پیل شوې.

د یاد سړک د ترمیم او بیا رغونه په دوو برخو کې چې، لومړۍ برخه یې د ۱۰۸ کیلو متره په اوږد والي سره له ارغنداب، خاکریز، او نیش ولسوالیو څخه په تیرېدو د کندهار لرغونی ولایت د ارزګان ولایت سره نښلوي چې دا مهال یې د ۱۰ کیلومتره سړک د اسفالټ اچونې چارې عملاً پیل شوې.

دغه راز د یاد سړک دویمه برخه چې ۱۰۱ کیلومتره اوږد والی لري؛ د ترینکوټ څخه پیل د دهراود ولسوالۍ تر چتو پُل سیمې پورې رسیږي، چې په نږدې راتلونکي کې به یې ۱۰ کیلو متره سړک د اسفالټ اچونې لپاره آماده شي.

د یادونې وړده چې د یاد سړک په دواړو برخو کې د یو شمېر پُلونو او پلګوټو د ترمیم او بیارغونې کار هم شامل دی چې د سړک د رغونې چارې یې د ټولګټو وزارت او احسان حکیم ودانیز او سړک جوړونې شرک ترمځ قرارداد شوي دي.
 
دیاد سړک په رغونې سره به د خلکو ترانسپورتي ستونزې د پخوا په پرتله هوارې شي او پردغه لویه لار تلونکي مسافران به د پخوا په پرته په آسانې سره تګ را تګ وکړي.
 

...

9 میاشتې ago

...

...

تازه خبرونه

شنبه ۱۴۰۲/۱۲/۵ - ۱۱:۴۶
Background image

د ټولګټو وزارت سرپرست وزیر نیمروز او هلمند ولایتونو ته  د خپل کاري سفر په ترڅ کې د یاد وزارت ترکارلاندې پروژو څخه له نږدې لیدنه وکړه

د ټولګټو وزارت سرپرست وزیر محترم الحاج ملا محمد عیسی ثاني؛ چې د ياد وزارت یو شمېر مرکزي او تخنیکي رئیسانو ملتيا کوله جنوب غربي او غربي ولايتونو ته د خپل کاري سفر په ترڅ کې نیمروز او. . .

شنبه ۱۴۰۲/۱۲/۵ - ۱۱:۴۰
Background image

په پکتیکا ولایت کې  د دوو پروژو کار د شاو خوا ۲۲ میلیونه افغانیو په ارزښت بشپړ او کټې اخیستنې ته و سپارل شوې

د ټولګټو وزارت لخوا په پکتیکا ولایت کې د دوو پروژو کار د دغه ولایت د ټولګټو رئیس محترم مولوي محمد اکبر عادل او یو شمېر نورو سیمه اییزو مسؤلینو په شتون کې د شاو خوا ۲۲ میلیونه افغانیو په. . .

چهارشنبه ۱۴۰۲/۱۱/۱۸ - ۱۰:۵۰
Background image

د بغلان ولایت اړوند د بوغابي کوتل د سړک د سیخ لرونکي کانکریټ اچولو کار د ۷۲ میلیونه افغانیو په ارزښت بشپړ او کټي اخیستنې ته وسپارل شو

 د ټولګتو ووزارت لخوا د بغلان ولایت اړوند، بوغابي کوتل د سړک  کار ۷۲ میلونه افغانیو په ارزښت د بغلان ولایت محترم والی، د یاد ولایت د ټولګتو ریاست رئیس او یو شمیر سیمه اییزو مسؤلینو په. . .

BACK TO NEWS