د کندهار ارغنداب ولسوالۍ ویجاړ شوی پُل ترمیم او بیارغول کیږي
![د کندهار ارغنداب ولسوالۍ ویجاړ شوی پُل ترمیم او بیارغول کیږي](/sites/default/files/2021-04/pl_kndhar.jpg)
د کندهار ولایت د ارغنداب ولسوالۍ د سرکاري باغ پُل چې څو ورځې مخکې د وسله والو مخالفینو لخوا د موټر بم برید په پایله کې ویجاړ شو، چې د یادې ولسوالۍ اوسېدوونکې یې په ورځنیو چارو کې له ګڼو ستونزو سره مخ کړي وو.
د خلګو د یادې ستونزې د هواري په موخه ټولګټو وزارت د یاد پُل د تخنیکي سروي په پار یو تخنیکي ټیم کندهار ولایت ته استولی چې اوس مهال یې سروې بشپړه او د ډیزاین چارې یې پيل کړي، د ډیزاین له بشپړیدو سره سم به یې تدارکاتي او د بیارغونې کار پیل شي.
د یادونې وړ ده، چې دا پُل ۱۷۲ متره اوږدوالی او ۱۰ متره پلنوالی لري چې اوس مهال يې د دوو پایو ترمنځ دوه کانکریټي ګاډرونه یا وایې چې تر ۴۰ مترو پورې اوږدوالی لري ویجاړې شوي.
د وري ۱۲، ۱۴۰۰
د ټولګټو وزارت ـ کابل