ټولګټو وزارت د ورستیو واورو پرمهال په واوره ځپلو مسیرونو کې لسګونه بند پاته مسافر ژغورلي
ټولګټو وزارت، د ورستۍ واورې اورېدو له امله د بندو سړکونو او لویو لارو پر خلاصون سربېره؛ په ځینو ولایتونو کې د تګ راتګ پرمهال په سختو واورو کې بند پاته ګڼ شمېر مسافر ژغورلي او خوندي ځاینو ته یې لیږدولي.
هغه مسافر او نقلیه وسایط چې، د بامیانو ولایت د (ورس ۔ پنجاب او شاطو کوتل) مسیر، د بامیان ۔ دایکنډي اړوند قناق کوتل مسیر او په سالنګونو کې د واورې د سخت اورښت او په ځینو برخو کې د طوفان او واورې ښوېدنې له امله بند پاته وو؛ د دغه وزارت ولایتي پرسونل له شته امکاناتو څخه په ګټې اخیستنې، د ژمي سړې هوا په زغملو او نه ستړي کېدونکو هلوځلو سره ژغورل شوې دي.
ټولګټو وزارت ژمن دی، چې له شته امکاناتو څخه په مؤثري ګټې اخیستنې سره؛ درنو هیوادوالو ته په هر ډول شرایطو کې غوره ترانسپورتي د (تګ ۔ راتګ) اسانتیاوې برابري او په دغه برخه کې شته ستونزې له منځه یوسي.
