په  حوت مياشت کې د اوسپنې پټلۍ له لارې (۳۵۸۰۸۵) مټریک ټنه انتقالات شوي دي

 د ۱۴۰۳ هـ.ش. کال د حوت مياشتې له پيله تر پايه د ټولګټو وزارت د اوسپنې پټلۍ له لارې (۳۵۸۰۸۵) مټریک ټنه انتقالات شوي دي.
د حیرتان بندر له لارې ( ۲۷۴۸۵۲) ټنه، د آقینې بندر له لارې (۱۴۷۲۷) ټنه، د تورغونډۍ بندر له لارې ( ۵۲۴۸۳) ټنه او د خواف-هرات له لارې (۱۶۰۲۳) ټنه، چې ټولټال ( ۳۵۸۰۸۵) ټنه نفتي، غیر نفتي او نور مواد دي، هېواد ته وارد او صادر شوي دي.
د انتقالاتو له ډلې یوه برخه ټرانزيټ او صادرات دي، په حوت مياشت کې (۱۹۸۸۰) ټنه صادرات او ترانزیت شوي، چې لویه برخه یې وچه مېوه، کينو، کچالو او د انارو جوس دي.
هر څومره چې د اوسپنې پټلۍ له لارې د صادراتو او انتقالاتو کچه لوړيږي، په هماغه اندازه کاري فرصتونه برابریږي، ملي عواید زياتيږي او په ټوله کې اقتصادي ثبات، ترقۍ او ځان بسياينې ته لاره هواریږي.
ټولګټو وزارت هڅه کوي، ترڅو د لا زیاتو انتقالاتو لپاره مناسب شرایط برابر او سوداگرو ته لا زياتې اسانتياوې برابرې کړي.