په دایکنډي کې د ۶ کیلومتره سړک رغنیزې چارې ۳۲ سلنه کاري پرمختګ لري
دا جغلي سړک چې ۶.۴۳ کیلومتره اوږدوالی لري، د دایکنډي ولایت مرکز نیلي ښار اړوند له پای نیلي سیمې څخه پیل او تر دغودار کلي پورې غځيدلی دی، چې اوس مهال یې رغنیزې چارې له ۳۲ سلنه کاري پرمختګ سره دوام لري
د یاد سړک رغنیز کار د څه باندې ۲۵ میلیونه افغانیو په ارزښت له دوو سیمه ییزو شورا ګانو سره تړون شوی، چې مالي لګښت یې د هیواد له ملي بوديجې څخه ورکول کېږي
د دې پروژې د رغنیز کار پرمهال، د دایکنډي ولایت مرکز نیلي ښار اوسېدونکو ته په مستقیم او غیرمستقیم ډول ۵۲۰ کاري ورځي رامنځته شوي او د سړک له بشپړیدو ورسته به شاوخوا ۳۹۶ تنه په مستقیم ډول ترې ګټه واخلي
همدارنګه د یاد سړک د رغنیز کار له بشپړیدو سره به د دایکنډي ولایت نیلي ښار اړوند پای نیلي او دغودار کلیو په ګډون به د ګڼو نورو کلیو د اوسېدونکو ترانسپورټي ستونزې هم ورسره هواري شي
د ټولګټو وزارت رسنیز دفتر
