په ټولګټو وزارت کې د نبوي سيرت په وياړ پراخه غونډه ترسره شوه

kalim_admin
پنجشنبه ۱۴۰۳/۷/۵ - ۱۳:۰
غونده

په ټولګټو وزارت کې پرون د ماپښين تر لمانځه وروسته د ربيع الاول مبارکې مياشتې د فضيلت او نبوي سيرت د مطالعې په تړاو پراخه غونډه ترسره شوه.

غونډه چې د قران کريم په مبارکو آيتونو پيل شوه، پکې د امربالمعروف نهي عن المنکر او شکايتونو اورېدلو وزارت مسلکي مرستيال شيخ الحديث محترم مولوي محمد فقير محمدي، د یاد وزارت د دعوت او ارشاد ریاست عمومي رئیس محترم شیخ القرآن مولوي محمد شریف حقاني او ورسره مل پلاوي، د ټولګټو وزارت کفيل او تخنيکي مرستيال الحاج محترم مولوي عبدالکريم فاتح، د ټولګټو وزارت د دعوت او ارشاد رئيس محترم مولوي عتيق الله عتيق، او دیاد وزارت رئیسانو، د ټولګټو وزارت د دعوت او ارشاد ریاست ښوونکو، مامورينو او کارکوونکو ګډون کړی وو.

غو

په غونډه کې د امربالمعروف نهي عن المنکر او شکايتونو اورېدلو وزارت مسلکي مرستيال ښاغلي محمدي د حضرت محمد (ﷺ) پر ژوند، صبر او زغم رڼا واچوله او ويې ويل، چې د حضرت محمد (ﷺ) ژوند، اخلاق او طریقه قران کريم دی. حضرت محمد (ﷺ) زموږ محسن دی، دده له برکته موږ ته اسلام رارسېدلی دی او دا يې پر ټول اُمت لوی احسان دی.

د محمدي په خبره، ټول امت مسلمه مسؤل او مکلف دی، چې خپل ديني ارزښتونه وساتي.

نوموړي وويل: «علماء کرام او استادان بايد نوي نسل ته د نبوي سيرت، اخلاقو، صبر او زغم په اړه بشپړ معلومات وړاندې کړي، ترڅو نوی نسل په بشپړ ډول په اسلامي روحيه سمبال شي

غو

هغه زياته کړه، موږ بايد د خپل خوږ او ګران پېغمبر حضرت محمد (ﷺ) د اخلاقو او سنتو تابعداري وکړو او په خپلو زړونو کې د خاتم النبين، خير الوراء او فخرالبشر نبي حضرت محمد (ﷺ) مينه او محبت پيداکړو.

د غونډې په پای کې راغلي پلاوي د ټولګټو وزارت له ټولو مامورينو او کارکوونکو څخه غوښتنه وکړه، چې خپل صورت او سيرت په نبوي طريقه برابر کړي، ترڅو په چارو کې ورته لا کاميابي په برخه شي.

غونډه په ټولو امورو کې د خير او برکت په دعاګانو سره پای ته ورسېده.

د ټولګټو وزارت رسنيز دفتر

...

5 ورځې 22 ساعتونه ago

...

تازه خبرونه

شنبه ۱۴۰۴/۶/۸ - ۱۴:۵۳
Background image

د قوشتیپې–درزاب سړک رغنيزې چارې د شاوخوا ۱.۵ میلیارده افغانیو په ارزښت په چټکۍ سره جريان لري

د ا.ا.ا ټولګټو وزارت د ځايي خلکو د هوساينې او د ټرانسپورټي ستونزو د حل په موخه د قوشتیپې–درزاب نښلوونکی سړک، چې ۵۱ کیلومتره اوږدوالی لري او د جوزجان ولایت د قوشتیپې ولسوالۍ څخه تر درزاب. . .

پنجشنبه ۱۴۰۴/۶/۶ - ۱۲:۱۷
Background image

د قیصار – لامان سړک د پنځم لاټ رغنیزې چارې جریان لري

د قیصار – لامان سړک د افغانستان د حلقوی سړک یوه برخه ده، چې د ا.ا.ا ټولګټو وزارت یې د ۲۵ کیلومترو په اوږد والي سره د پنځم سکشن رغنیزې چارې پیل کړې دي او دامهال جریان لري.

یاد  سړک ۱۲ م. . .

سه‌شنبه ۱۴۰۴/۶/۴ - ۱۳:۴۶
Background image

په اسد مياشت کې د اوسپنې پټلۍ له لارې (۴۱۳۲۵۳) مټریک ټنه انتقالات شوي دي

د ۱۴۰۴ هـ.ش. کال د اسد مياشتې له پيله تر پايه د ټولګټو وزارت د اوسپنې پټلۍ له لارې (۴۱۳۲۵۳) مټریک ټنه انتقالات شوي دي.

د حیرتان بندر له لارې (۲۵۹۶۹۷) ټنه، د آقینې بندر له لارې (۴۴۷۷۰). . .

BACK TO NEWS