په کندز ولایت کې د یو پایه پل د پاتې برخو رغنیزې چارې د څه باندې ۹ میلیونه افغانیو په ارزښت پيل شوې
د ټولګټو وزارت له لوري د کندز ولایت اړوند د(ایرگنک سړک) پل چې د کندز – بلخ عمومي سړک پر مسیر موقعیت لري د پاتې برخو د رغونې کار یې د (۹۷۰۵۰۰۰) افغانیو په ارزښت له خصوصي شرکت سره قراداد شوی دی، چې دامهال یې کار عملاً پیل او د دریو میاشتو په موده کې به بشپړ او ګټې اخیستنې ته و سپارل شي.
یاد پل چې ۴۸.۵ متره اوږدوالی او ۱۲متره پلنوالی لري، رغنیزې چارې یې د تېرې ادارې پرمهال د ټولګټو وزارت له لوري پیل شوې وې، چې د بېلابېلو عواملو له امله یې کارونه ځنډېدلي و او د ا.ا.ا ټولګټو وزارت د کندز ولایت د اوسېدونکو د تګ راتګ ستونزو ته په کتو د دغه پل رغنیزې چارې بیا پیل کړې دي، چې په بشپړېدو سره به یې د کندز – بلخ پر لویه لار د تلونوکو مسافرو د تګ راتګ ستوزې د پخوا په پرتله هوارې شي.
