په بادغیس ولایت کې د جوند ولسوالۍ د ۱۵ کیلومتره سړک د جغل اچونې چارې د ۱۰ میلیونه افغانیو په ارزښت بشپړې شوې
د ا.ا.ا د ټولګټو وزارت له لوري په بادغیس ولایت کې د جوند ولسوالۍ د ۱۵ کیلومتره سړک د جغل اچونې چارې د ۱۰ میلیونه افغانیو په ارزښت بشپړې او د یاد ولایت د ټولګټو رئیس، مسئولینو، علماوو او قومي مشرانو په شتون کې ګټې اخیستې ته وسپارل شوې.
دغه سړک ۱۵ کیلومتره اوږدوالی او ۶ متره پلنوالی لري او په اوږدو کې یې ۳ پایې پلګوټي هم رغول شوي دي، چې په بشپړېدو سره یې د جوند ولسوالۍ د مرکز او اړوندو کلیو ترمنځ د تګ راتګ ستونزي هواروې شوې دي.
