د ټولګټو وزارت مالي او اداري مرستیال په دوو جلا جلا لیدنو کې د احکامو او فرامینو د تعقیب او نظارت محترم لوی رئیس او د سوداګرۍ او صنایعو خونې مسؤلانو سره په خپل کاري دفتر کې وکتل
د ټولګټو وزارت مالي او اداري مرستیال محترم الحاج ملا عبدالحق اخند همکار په دوو جلا جلا لیدنو کې د احکامو او فرامینو د تعقیب او نظارت لوی رئیس محترم مولوي شمس الدين شريعتي او د سوداګرۍ او صنایعو خونې مسؤلانو سره په خپل کاري دفتر کې وکتل.
په دغه ليدنه کې شريعتي صاحب د ښاغلي همکار صاحب د تېرو مهمو لاسته راوړنو قدرداني وکړه او په نوي مسئوليت کې يې ورته د لا ښه خدمت د توفيق دعا وکړه، او د اعزاز پګړۍ يې ور په سر کړه.
دغه راز د ټولګتو وزارت محترم مالي او اداري مرستیال د سوداګرۍ او صنایعو خونې مسؤلانو سره په لیدنه کې د هېواد د سوداګرۍ، صنعت، پانګونې او اقتصادي پرمختګ په برخو کې د همکاريو د پیاوړتیا په اړه هر اړخیزې خبرې اترې وکړې.
د سوداګرۍ او صنايعو خونې مسئولينو د مالي او اداري مرستیال الحاج ملا عبدالحق اخند همکار لپاره د هغه د نوي مسئولیت د پيل په مناسبت مبارکي، مثبتې هیلې او د بریالیتوب دعا وکړه، له وزارت سره یې د دوامدارو ګډو همکاریو ډاډ ورکړ او نوموړي ته يې د اعزاز پګړۍ ور په سر کړه.
محترم همکار صاحب د احکامو او فرامینو د تعقیب او نظارت لوی رئیس او د سوداګرۍ او صنایعو خونې د مشرتابه او مسئولينو د هڅو ستاینه او د ښې همکاریو له امله مننه څرګنده کړه، د دوی ترسره کړې او روانې هڅې يې وستايلې او د همکاريو ډاډ يې ورکړ.
