بلخ: د مزار شریف – مارمل ولسوالۍ سړک د جغل اچونې کار داوم لري
د بلخ ولایت د ټولگټو ریاست په ماشینرۍ او د سیمه ییزو شورای گانو په همکاري د دې ولایت له مرکز مزار شریف څخه تر مارمل ولسوالۍ پورې د غځیدلې سړک د جغل اوچونې او ترمیم کار دوام لري.
دا سړک ټولټال ۳۵ کیلومتره اوږدوالی لري، ۸ کیلومتره یې له وړاندې پوخ شوی و، چې د پاته ۲۷ کیلومتره سړک د جغل اچونې، هموارولو او ترمیم کار اوس مهال دوام لري.
د یاد سړک له جغل اچونې او هموارولو سره به مارمل ولسوالۍ د اوسیدونکو ترانسپورتي ستونزې د پخوا په پرتله هواري شي او په اساني سره به د مزارشریف ښار ته تگ راتگ وکړي.
