د اوسپنې پټلۍ مرستيال او مل پلاوي په ابوظبي کې د ريل پټلۍ په نړيوال کنفرانس او نندارتون کې ګډون وکړ

kalim_admin
سه‌شنبه ۱۴۰۴/۷/۱۵ - ۹:۵
د اوسپنې پټلۍ مرستيال او مل پلاوي په ابوظبي کې د ريل پټلۍ په نړيوال کنفرانس او نندارتون کې ګډون وکړ

د ا.ا.ا د ټولګټو وزارت د اوسپنې پټلۍ مرستيال محترم الحاج مولوي محمد اسحاق صاحبزاده او مل پلاوي د متحده عربي اماراتو په ابوظبي ښار کې د ريل پټلۍ په نړيوال کنفرانس او نندارتون کې ګډون وکړ.

په دغه پروګرام کې د کنفرانس ترڅنګ د ریل پټلۍ په برخه کې نړیوال نندارتون هم شامل و، چې پرمهال يې د ريل پټلۍ اړوند وروستۍ پروژې او نوي ټیکنالوژۍ نندارې ته وړاندې شوې.

په نندارتون کې د افغانستان د ریل پټلۍ لپاره یوه غرفه ځانګړې شوې وه، چې له همدې لارې د هرات – فراه – نیمروز – هلمند – کندهار د ریل پټلۍ پروژې په تړاو مفصل معلومات وړاندې شول، کومه چې د افغانستان له لارې د منځنۍ اسیا هېوادونه د سويلي اسیا سره نښلوي؛ ياده پروژه د افغانستان او سیمې لپاره اقتصادي او ټرانزیټي اهمیت لري او د سیمه ‌ییز تجارت او ټرانزیټ په پرمختګ کې رغنده رول لري.

همدارنګه د پروګرام په څنډه کې، د ټولګټو وزارت د اوسپنې پټلۍ مرستيال د سيمه ييزو هېوادونو (متحده عربي اماراتو، ترکمنستان او اوزبيکستان) د ریل پټلۍ له مسؤلینو او تخنيکي ټيمونو سره دوه اړخيزې او درې اړخيزې غونډې ترسره کړې، چې پکې د ریل پټلۍ اړوند د همکاريو پیاوړتیا او همداراز د افغانستان د ریل پټلۍ د پروژو جوړولو لپاره د پانګونې په اړه بحثونه او نظرونه تبادله شول.

ياد نړيوال کنفرانس او نندارتون د روان میلادي کال د سپتمبر له ۳۰مې نېټې تر اکتوبر ۲مې نېټې پورې جوړ شو، چې پکې د ۱۰۰ څخه زیاتو هېوادونو مسؤلینو او همدارنګه د ریل پټلۍ اړوند ۲۰۰ نړيوالو شرکتونو ګډون کړی و.

...

۱ کال 2 میاشتې ago

...

تازه خبرونه

چهارشنبه ۱۴۰۵/۸/۶ - ۱۵:۲۷
Background image

د کندهار – هلمند لویې لارې د دویم لین سړک د آسفالټ چارې پیل شوې

د کندهار – هرات لویې لارې د دویم لین سړک اړوند، د کندهار ولایت له باغ پل څخه د هلمند ولایت تر ګرشک دوراهي سیمې پورې د دویم او درېیم لاټ ۵۲ کیلومتره سړک د رغونې چارې د ا.ا.ا د ټولګټو. . .

چهارشنبه ۱۴۰۵/۸/۶ - ۱۳:۵۴
Background image

په تله میاشت کې د اوسپنیزې لارې څخه ۸۲۸۹۶۸ مټریک ټنه انتقالات شوي دي

د ۱۴۰۵ هـ.ش. کال د تلې/ میزان مياشتې له پيله تر پايه د افغانستان د اوسپنیزې لارې څخه ۸۲۸۹۶۸ مټریک ټنه انتقالات شوي دي.

د حیرتان بندر له لارې ۵۳۶۴۳۰ ټنه، د آقینې بندر له لارې ۶۱۹۵۱ ټنه،. . .

سه‌شنبه ۱۴۰۵/۸/۵ - ۱۴:۵۱
Background image

د بلخ ولایت د چهار بولک ولسوالۍ سړک د ترمیم او داغګیرۍ چارې د ۷ میلیونه افغانیو په ارزښت پيل شوې

د ا.ا.ا د ټولګټو وزارت له لوري د بلخ ولایت د چهار بولک ولسوالۍ ۶ کیلومتره سړک د ترمیم او داغګیرۍ چارې د ۷ میلیونه افغانیو په ارزښت له خصوصي سکتور سره قرارداد شوي دي چې دامهال د بلخ. . .

BACK TO NEWS