د تخار – بدخشان لویې لارې د سړک فرش د ترمیم چارې د څه باندې ۷۹ میلیونه افغانیو په ارزښت پیل شوې
د ا.ا.ا د ټولګټو وزارت له لوري په بدخشان ولایت کې د تخار – بدخشان لویې لارې د سړک د فرش د ترمیم چارې د یاد ولایت د والي مرستیال محترم مولوي محمد امین طیب، دیاد ولایت د ټولګتو رئیس مولوي عبد الغفور عتید، یو شمېر سیمه ییزو مسؤلانو او قومي مخورو په شتون کې پیل شوې.
په یاده ترمیماتي پروژه کې د سړک د فرش د ترمیم ترڅنګ، د یو پایه ۶۰ متره پل، یوشمېر پلګوټو او استنادي دېوالونو د رغولو کار هم شامل دی، چې د ټولکټو وزارت او خصوصي سکتور ترمنځ د څه باندې ۷۹ میلیونه افغانیو په ارزښت قرارداد شوی دی.
د یادې پروژې د کار په بشپړېدو سره پر یاده لویه لار د تلونکو هېوادوالو د تګ راتګ او سواداګریزو توکو او کرنیزو محصولاتو د انتقال ستونزې د پخوا په پرتله هوارې شي.
