د سالنګ لویه لار پرانستل شوه
د سالنګ لویه لار پرانستل شوه
۱۳۹۹، مرغومې ۸ مه
د سالنګ لویه لار د واورې د اورښت له کبله تر ۴۰ ساعتونو بندېدو وروسته پرانستل شوه.
په شمالي او جنوبي سالنګ کې له پنځوس سانتي متر څخه تر یو متر پورې واوره اورېدلې وه چې د سالنګ د ساتنې او څارنې ادارې له خوا یې په جدیت سره د پرانستلو کار روان و او دا لار بیرته پرانستل شوه.
په سالنګ کې اوس هم ځینو ځاینو کې بادونه زیات دي چې له درنو مسافرینو څخه په کلکه غوښتنه کیږي تر څو له دې لارې د تېردو پر مهال بشپړ چمتوالی ولري او د سالنګ د لارښوونکو لارښوونې په پام کې ونیسي.
ورته مهال د غور ـ بامیانو پر لار د لعل او کرمان سیمه کې، د غور ـ دایکنډي لار د تلخک کوتل کې، د دایکنډي ولایت د اشترلي، خدر، سنګتخت، میرامور او ګیتي ولسوالیو لارې چې د ورستیو واورو له کبله تړل شوي وې، د بیرته پرانستلو په موخه یې جدي کار روان دی.
ټولګټو وزارت ـ کابل
