د سالنگ لویې لارې د نن ورځې وضعیت او د سالنګونو د ساتنې او څارنې ریاست فعالیتونه
نن ورځ په سالنګونو کې هوا وریېځ ده او یاده لویه لار د ترافیکو د تګ راتګ پرمخ پرانیستې ده، دا مهال مسافر وړونکي موټر له دواړو لورو او بار وړونکي موټر له یوه لوري (جنوب څخه شمال) ته تګ کولی شي.
همدارنګه، د سالنګونو د ساتنې او څارنې ریاست پرسونل د شمالي سالنګ په دوشاخ سیمه کې له غره څخه د را ښوېدلو تږو په پاک کاري او د تونل په شمول د ورستیو واورو او ترافیکي وسایطو د ډیر تګ راتګ له امله د ځینو تخریب شويو برخو په ترمیم او جغل اچونې مصروف دي.
