د سړکونو د ساتنې او څارنې معین د سمنګان او بدخشان له ټولګټو ریاستونو څخه لیدنه وکړه:
![د سړکونو د ساتنې او څارنې معین د سمنګان او بدخشان له ټولګټو ریاستونو څخه لیدنه وکړه:](/sites/default/files/2023-05/whatsapp_image_2023-05-20_at_9.06.30_am.jpeg)
د ټولګټو وزارت د سړکونو د ساتنې او څارنې معین الحاج معاون ملا عبدالجبار د هیواد شمالي ولایتونو ته د سفر په ترڅ کې، د سمنګان او بدخشان ولایتونو له ټولګټو ریاستونو څخه لیدنه وکړه او د یادو ریاستونو کړنې او تر کار لاندې پروژې یې وارزولې دغه راز، د یادو ریاستونو د کار کوونکو ستونزې او وړاندیزونه یې واورېدل.
د سړکونو د ساتنې او څارنې معین، د یادو ریاستونو له ماشینرۍ څخه هم لیدنه وکړه او مسؤولینو ته یې د غیر فعالې ماشینرۍ د ترمیم او له هغو څخه د مؤثرې ګټې اخیستلو په برخه کې لارښوونې وکړې.
همدارنګه، د ټولګټو وزارت د سړکونو د ساتنې او څارنې معین، د سمنګان ولایت اړوند له حضرت سلطان پُل څخه، چې څه موده ترمیم شو هم لیدنه او څارنه وکړه.
د ټولګټو وزارت رسنیز دفتر