د شیخ ابونصر فراهي سړک د جوړولو کار په چټکۍ سره روان دی
د شیخ ابونصر فراهي سړک د درېیم لاټ (میل ۷۸) د اساسي رغونې کار په چټکۍ سره مخ پر وړاندې روان دی، چې په نږدې راتلونکي کې به یې د قیر اچونې چارې هم پیل شي. د شیخ اوبونصر فراهي سړک، ټولټال ۱۲۰ کیلومتره اوږدوالی لري، د فراه لایت له مرکز څخه پیل تر ابونصر فراهي بندر پورې غځېدلی دی، چې د دغې برخې د رغونې لګښت د ایران هیواد له لوري ورکول کیږي. د یاد سړک له جوړېدو سره به د فراه ولایت مرکز د شیخ ابونصر فراهي سوداګریز بندر له لارې له ایران هیواد سره ونښلول شي او ورسره به د سوداګریزو توکو په چټک او خوندي لیږد رالیږد کې د پام وړ ترانسپورتي اسانتیاوې رامنځته شي.
