د قراردادي شرکتونو د مالي ستونزو د حل په موخه ناسته تر سره شوه
د ټولگټو وزارت د مقام د دفتر رئيس مفتي امیر عبدالله، د قراردادي شرکتونو له یو شمیر استازو سره د یادو شرکتونو د مالي ستونزو د حل په موخه ناسته او خبرې وکړې.
دا ناسته چې د مقام د دفتر رئيس په مشري ترسره شوه، د قراردادي شرکتونو استازو په نوبت سره خبرې وکړې، د شرکوتونو مالي ستونزې یې بیان کړې او د ټولگټو وزارت له رهبري څخه یې د انوایسونه د اجرأ او د بانکي تضمینونو د ورکړې غوښتنه وکړه.
ورسته د ټولگټو وزارت د مقام د دفتر رئيس خبرې وکړې ویې ویل: د قراردادي شرکتونو د انوایسونو، تضمينونو او قرضداريو اجرأ کول د اـاـا، د کارونو په لومړيتوب کې قرار لري او د ۱۴۰۱ ه ش مالي کال د بودیجې په تصویب سره د قراردادي شرکتونو یوه برخه انوایسونه اجرا شي او مالي ستونزې به یې تر ډيره بریده هوارې شي.
هغه قراردادي شرکتونو ته په خطاب کې وویل: زموږ هیواد له داسې شرایطو څخه د تیریدلو په حال کې دی، چې زموږ ټولو همکارۍ، گډ کار او یووالي ته اړتیا لري.
