د قوشتیپې – درزآب سرک د اساسي رغونې چارې د ۱.۴ میلیارده افغانیو په ارزښت پیل شوې

media_admin
دوشنبه ۱۴۰۳/۶/۱۹ - ۱۰:۱۱
کار اعمار و ساختمان سرک قوشتيپه - درزآب به ارزش ۱.۴ مليارد افغانی آغاز گرديد

د جوزجان ولایت اړوند د قوشتیپې – درزآب سرک د اساسي رغونې چارې، په دریوو لاټونو کې د تولګټو وزارت لخوا د دریو بیلابیلو سړک جوړونې او ودانیزو شرکتونو سره په تخمیني ډول د ۱.۴ میلیارده افغانیو په ارزښت قرارداد شوي، چې رغنیزې چارې یې د یاد ولایت د ټولګټو رئیس مولوی اسد الله مسرور او یو شمیر سیمه ییزو مسوولینو په شتون کې پیل شوې.
دغه سرک د ۵۱ کيلومتره په اوږدوالي سره د جوزجان ولایت له قوشتیپې ولسوالۍ څخه پیل او ددغه ولايت تر درزآب ولسوالۍ پورې رسیږي، چې د دوه پایو پلونو، د ۱۳۷ پایو پُلګوټو، استنادي دیوالونو او د سړک د څنډو د لښتیو (ویالو) د رغونې کار هم پکې شامل دی.
لومړی لاټ یې د ۱۹.۸ کیلومتره په اوږدوالي سره د قوشتیپې ولسوالۍ له نوآباد سيمې څخه پيل بيا تر تراغلي سیمې پورې، دویم لاټ د ۱۷.۴۶ کیلومتره په اوږدوالي سره له تراغلي څخه بيا تر شیربیک سيمې پورې او دریم لاټ یې د ۱۳.۵ کیلومتره په اوږدوالي سره تر درزآب ولسوالۍ پورې رسیږي.
د یاد سړک په رغونې سره به د خلکو ترانسپورتي ستونزې د پخوا په پرتله هوارې شي او د سوداګریزو او کرنیزو توکو په چټک او خوندي لیږد-رالیږد کې به د پام وړ آسانتیاوې رامنځ ته شي.
ټولګټو وزارت تل هڅه کوي، چې د هېواد د لويو لارو او سړکونو په رغونې، ترميم او بیارغونې سره درنو هېوادوالو ته بشپړې ټرانسپورتي اسانتياوې رامنځته کړي.

...

2 کلونه 3 میاشتې ago

...

...

تازه خبرونه

شنبه ۱۴۰۴/۶/۱ - ۱۴:۲۵
Background image

ټولګټو وزارت د کندهار - دايکنډي او باميان - دايکنډي په عمومي مسيرونو کې د ۶ میلیونه افغانیو په ارزښت د دوو ترمیماتي پروژو چارې پيل کړې

د دايکنډي ولايت اړوند د لادوگگ تپې د ۳ کیلومتره سړک د جغل اچولو پروژه، چې ۱۱ پایې پلچکونه هم پکښې شامل دي؛ د (۴۳۰۰۰۰۰) افغانیو په ارزښت او د ياد ولایت د شهرستان ولسوالۍ اړوند د ۲۰ کیلوم. . .

پنجشنبه ۱۴۰۴/۵/۳۰ - ۱۲:۲۰
Background image

د کابل – کندهار لویې لارې د څلورمې برخې د درېیمې طبقې د آسفالټ چارې د میدان وردګ ولایت اړوند جریان لري

د کابل – کندهار لویې لارې اړوند د څلورمې برخې ۳۷.۶ کیلومتره سړک چې د سیدآباد ولسوالۍ له بازار څخه پیل د غزني ولایت ترحدودو یا عزیزکلا سیمې پورې رسیږي د سب بیس، بیس کورس، ATB، بیندرکورس. . .

چهارشنبه ۱۴۰۴/۵/۲۹ - ۱۵:۵۷
Background image

د ټولګټو وزارت محترم وزیر د کابل – جلال آباد لویې لارې له دویم لین سړک له رغنیزو چارو څخه لیدنه وکړه

د ټولګټو وزارت محترم وزیر الحاج ملا محمد عیسی ثاني د کابل – جلال آباد لویې لارې له دویم لین سړک د کابل ولايت له لوري د پخواني کانکریټي سړک په دوام  د ۳۲ کيلومتره برخې له کاري بهیر، کرش. . .

BACK TO NEWS