د ننګرهار له بهسودو پله ــ عبدالخېل تنګي پورې د سړک چارې ۳۰ سلنه پرمختګ لري
دا سړک چې ۱۲ کیلومتره اوږدوالی او ۴۰ متره پلنوالی لري، د ننګرهار ولایت له بهسودو پله څخه پیل او تر عبدالخېل تنګي سیمه کې غځیدلی، چې د کونړ ـ ننګرهار تر سړک پورې رسیږي او اوس مهال یې رغنیزې چارې له ۳۰ سلنه کاري پرمختګ سره داوم لري. د دغه سړک د جوړيدا تړون د ټولګټو وزارت لخوا له یو خصوصي ودانیز شرکت سره شوی، چې ټول مالي لګښت یې د افغانستان دولت له پراختیایي بودیجې څخه ورکول کېږي. د دې سړک د رغنیز کار له بشپړېدو سره به د کونړ او ننګرهار ځینې سیمې له جلال آباد ښار سره ونښلي، دغه راز به د یاد ولایت د ګڼو اوسېدونکو د تګ راتګ په برخه کې لازمې آسانتیاوې رامنځته کړې. د دې ترڅنګ به په ښاري پراختیا کې د مثبت اغیز سربېره د خلکو د ښه ژوند په برخه کې ګټور رول ولوبوي.
