د نيلي ښار دننه سړکونو د جوړولو چارې ۷۳ سلنه بشپړي شوي دي
د دايکندي ولایت مرکز نیلي ښار دننه سړکونه چې ۸.۸ کیلومټره اوږدوالی او ۱۴ متره پلنوالي لري اوس مهال یې رغنیزې چارې له ۷۳ سلنه کاري پرمختګ سره دوام لري.
د سړک دا پروژه د څه باندې ۶۳۱ میلیون افغانیو په ارزښت د ټولګټو وزارت لخوا له یو خصوصي ودانیز شرکت سره لاس لیک شوي، چې مالي لګښت یې د افغانستان دولت له ملي بودیجې څخه ورکول کیږي.
د دې پروژې د رغنیز کار پرمهال د نیلي ښار اوسېدونکو ته ګڼې کاري ورځې رامنځته شوي چې د چارو له بشپړېدو سره به یې د دايکندي ولايت د نیلي ښار د اوسېدونکو ترانسپورتي ستونزې هوارې شې.
همدارنګه به د ښاري پراختیا ترڅنګ ښوونیزو او روغتیایي مرکزونو ته د خلکو لاس رسی د پخوا په پرتله اسانه شي، د ښاري ګڼې ګوڼې د مخنیوي ترڅنګ به، د چاپېریال د ښکلا په برخه کې هم اساسي رول ولري.
