د هیواد د سړکونو او لویو لارو د عمومي وضعیت څرنګوالی
د ټولګټو وزارت د ولایتي ریاستونو د راپورونو له مخې، د هیواد د سړکونو او لویو لارو عمومي وضعیت په لاندې ډول دی:
ميدان وردګ: د میدان وردګو ولایت اړوند د کابل ـ کندهار لویې لارې پلچکونو او د بهسود ولسوالۍ اوني کوتل مسیر د پاکولو او موقت ترمیم کار دوام لري، نورې ټولي لارې د تګ راتګ پرمخ خلاصي دي.
نورستان: په نورستان کې د ختیځ نورستان غځېدلی سړک د پاکولو او خلاصون کار جریان لري، پاته لارې د تګ راتګ پرمخ خلاصي دي.
زابل: په زابل کې د شینکۍ ولسوالۍ لار بنده ده، چې دا مهال یې د خلاصولو کار جریان لري، خو نورې ټولي لارې د تګ راتګ پرمخ پرانیستې دي.
خوست: د سختو اورښتونو له امله د اسمعیل خیلو او مندوزیو ولسوالیو لارې د تګ راتګ پرمخ بندې دي.
غزني: د غزني ولایت د ټولګټو ریاست لخوا د سړکونو ویجاړو برخو ته ګمبیونونه اچول شوې، نورې ټولي لارې یې د تګ راتګ پرمخ خلاصې دي.
لغمان: د مهترلام ـ علینکار سړک د سیلابونو له پاتې شونو څخه پاک کاري شو او نورې ټولي لارې د تک راتګ پرمخ پرانیستې دي،
ننګرهار: د کوټ ولسوالۍ اړوند د اهنګرانو کلي سړک له رسوبي موادو څخه پاک کاري شو، د یاد وایت نورې ټولي لارې د تګ راتګ پرمخ پرانیستې دي.
د یادونې وړ ده، چې د هیواد په یو شمیر نورو ولایتونو کې هم سیلابونو راغلي، خو تر دا مهاله د یادو ولایتونو ټولي غځېدلي لارې د ترافیکو د تګ راتګ پرمخ خلاصې دي.
د ټولګټو وزارت رسنیز دفتر
