د هیواد د لویو لارو او سړکونو د عمومي وضعیت څرنګوالی!
د ټولګټو وزارت د ولایتي ریاستونو د راپورونو په اساس د هیواد د لویو لارو او سړکونو وضعیت په لاندې ډول دی:
بامیان: د واورې تیز اورښت دوام لري، د پسته شش پل، حاجګګ کوتل، شاطو کوتل، آبقول کرمان او د قناق کوتل غځيدلې لارې د ترافیکو پرمخ بندې دي.
دایکنډي: د واورې اورښت دوام لري، د بند برلان بازار له مسیر پرته د دې ولایت ډیری غځېدلي لارې د واورې د تیز اورښت له کبله د ترفیکو پرمخ بندې دي.
سرپل: هوا باراني ده، د بلخاب ولسوالۍ له غځیدلې لارې پرته؛ نورې ټولي لارې د ترافیکو پرمخ پرانیستې دي.
د سالنګ لویه لار: په سالنګ کې د وارې اورښت په ځنډ سره دوام لري، له ټیلر یا باروړنکو موټرو پرته نور موټر له دواړو لورو پرې تګ راتګ کولی شي.
همدارنګه نن د هیواد په ډیری ولایتونو کې د واورې اورښت دوام لري، چې ټولي غځیدلې لارې یې د ترافکو د تګ راتګ پرمخ پرانیستې دي.
د یادونې وړ ده، د ټولګټو وزارت ولایتي ریاستونو له قراردادي شرکتونو سره په همغږۍ هڅه کوي، چې ټولي بندې لارې د تګ راتګ پرمخ پرانیزي.
ټولګټو وزارت له ګرانو هیوادوالو او موټر چلونکو څخه هیله کوي، چې له صعب العبور لارو څخه د سفر پرمهال د موټر د ځنځیر (چاین) ترڅنګ خوراکي توکي او روغنیات له ځان سره ولري او په لارو کې د مؤظفو کسانو لاروښونو ته پاملرنه وکړي.
