د هیواد د لویو لارو او سړکونو د وضعیت څرنګوالی
د ټولګټو وزارت د ولایتي ریاستونو د راپورونو په اساس د هیواد د لویو لارو او سړکونو وضعیت په لاندې ډول دی:
غزنی: هوا لمر ده، د ناور او مالستان ولسوالیو لارې د واورې د ډیر اورښت له کبله بندې شوې دي، چې د پرانیستلو کار یې په چټکۍ سره دوام لري.
میدان وردګ: آسمان صاف ده، د اوني کوتل او د بهسودو دویمه حصه لارې چې بندې شوې وې اوس مهال یې د پاکولو کار دوام لري.
سرپل: هوا وریېځ ده، د بلخاب ولسوالۍ له غځېدلي لارې پرته د دې ولایت نورې لارې پرانیستې دي.
بدخشان: په دې ولایت کې هوا وریېځ ده، د کوهستان، یاوان او راغستان ولسوالیو غځېدلي لارې د ترافیکو پرمخ بندې دي، نورې لارې پرانیستې دي.
دایکنډي: هوا لمر ده، د میرامور – چهارصدخانې، اشترلي – ګرګي سیمې د بندو لارو تر څنګ د سنګتخت او بندر ولسوالیو د غځېدلو بندو لارو د پاکولو کار دوام لري.
د سالنګ لویه لار: د سالنګ لویه لار چې تیره ورځ د ترافیکو پرمخ بنده شوې وه، اوس مهال د وړو موټرو پرمخ پرانیستې ده او د ځنځیر ( چاین) په تړلو سره په دې لویه لار تګ راتګ کولی شي.
همدارنګه د هیواد په ځینو ولایتونو کې هوا وریېځ ده، خو ټولي غځېدلي لارې یې د ترافیکو د تګ راتګ پرمخ پرانیستې دي.
