د ټولګټو وزارت او ځکمني ترانسپورت شورا ترمنځ د همغږۍ ناسته وشوه
ټولګټو وزارت، د جمهوري ریاست د لوړ مقام د۱۴۰۰/۲/۲۹ نیټې د ۶۴۷ کڼه حکم د تعقیب په موخه، له خصوصي ترانسپورتي شرکتونو سره د همغږۍ ناسته تر سره کړه او د هغوی ستونزې او وړاندیزونه یې واورېدلي. په دې ناسته کې، د لوړ تناژ باروړنکو لیږدونکو وسایطو د وزن او ابعادو د کنترول مقرره د تراسپورتي اتحاديې مسوولینو ته تشریح شوه او د هغوی وړاندیزونه یې واوریدل شول. د ټولګټو وزارت د ساتنې او څارنې مرستیال پاینده محمد انوري، د د لوړ تناژ باروړنکو لیږدونکو وسایطو د وزن او ابعادو د کنترول د مقررې او د سړکونو پر اهمیت خبرې وکړې او د ترانسپورتي اتحادیې مسوولینو ته یې ډاډ ورکړ چې ټولګټو وزارت د سړکونو د ستونزې د هوارولو په برخه کې پوره هڅې کوي. ورپسې د ترانسپورتي اتحادیې مسوولینو د ټولګټو وزارت له رهبري څخه وغوښتل چې د لوړ تناژ باروړنکو لیږدونکو وسایطو د وزن او ابعادو د کنترول په مقرره کې تعدیلات رامنځته کړي او په تدریجې ډول یې پلي کړي تر څو د لوړو باروړنکو وسایطو تراسپورټران د مقررې مطابق خپل وزن عیار کړي. په ناسته کې د ټولګټو وزارت تخنیکي مسوولینو د لوړ تناژ باروړنکو وسایطو د وزن او ابعادو د کنترول مقرره تشریح کړه او زیاته یې کړه چې یاده مقرره له سیمه ییزو معیارونو سره سمه او د افغانستان له شرایطو سره برابره جوړه شوي چې د دې مقررې تغیر او تعدیل د اړوند ادارو صلاحیت دی. د یادوني وړ ده چې، د اصلاحاتو او روڼتیا د رامنځته کولو په موخه به ټولي تلې د ټولګټو وزارت له نوي تشکیل او نظارتي ټیمونو سره سم عملً کار پیل کړي، د ټولګټو وزارت رهبري ژمنه ده چې د اصلاحاتو د رامنځته کولو، له فساد سره د مبارزې او د دې وزارت د مسلکي او معیاري کولو په برخه کې کوټلي ګامونه واخلي.
