د ټولګټو وزارت سرپرست او نوماند وزیر معرفي شو

mopw_admin
شنبه ۱۳۹۹/۷/۱۹ - ۱۰:۲۳
د ټولګټو وزارت سرپرست او نوماند وزیر معرفي شو

د ټولګټو وزارت سرپرست او نوماند وزیر معرفي شو

د ا.ا جمهوري ریاست د عالي مقام د ۱۳/۷/۱۳۹۹ نیټې د ۱۷۵۵ ګڼه حکم پر اساس، محترم نجیب الله یمین د ټولګټو وزارت سرپرست او نوماند وزیر په توګه وټاکل شو په هغه غونډه کې چې د پنج شنبې په ورځ د ۱۳۹۹ د تلي په ۱۷ نیټه په همدې موخه جوړه شوي وه، د ا.ا جمهوري ریاست د چارو ادارې عمومې رئیس ډاکتر فضل محمود فضلي له خوا د ټولګټو وزارت کارکونکو ته ور وپیژندل شو.

د جمهوري ریاست د چارو ادارې عمومې رئیس ښاغلي فضل محمود فضلي، د ا.ا جمهوري ریاست د عالي مقام یاد شوی ګڼه حکم ولوست ویې وویل: ښاغلی یمین د هیواد یو لایق، مسلکي او تخنیکي کادر دی او په داسي حال کې د ټولګټو وزارت د رهبرۍ مسوولیت ورته سپارل کیږي چې هره ورځ د هیواد په مختلفو برخو کې د تروریستي ډلو له خوا د سړکنو د ویجاړي شاهد یوو. د افغانستان حکومت ژمن ده چې د سړکونو ویجاړي شوي برخې بیاورغوي او موږ په دې برخه کې د ښاغلي یمین پاملرنه غواړو او همکاري یې کوو.

همدارنګه د جمهوري ریاست د چارو ادارې عمومي رئیس د ټولګټو وزارت مخکني سرپرست محمد یما شمس له کړنو او زحمتونو څخه مننه او قدردانی وکړ او زیاته یې کړه چې ښاغلي شمس د کار په جریان کې د ا.ا جمهوری ریاست جلالتمآب رئیس، خوښي تر لاسه کړې.

ورپسې د ټولګټو وزارت مخکني سرپرست، ښاغلي یمین ته د مبارکۍ تر څنګ وویل: په ټولګټو وزارت کې د کار د ښه والي او اصلاحاتو راوستلو په موخه یو لړ اقدامات شوي دي او ډاډه یم چې دا لړی به دوام ولري. هغه همدارنګه د وزارت د کارکونکو له هر اړخیزي همکارۍ څخه مننه او قدرداني وکړه.

ورپسې، د ټولګټو وزارت سپرست او نوماند وزیر ښاغلي انجنیر نجیب الله یمین د ا.ا جمهوري ریاست جلالتمآب رئیس، له باور څخه مننه او قدردانی وکړ او ویې ویل: انجنیران د یوه هیواد د بیارغوني انجن دي او هغوی یې د هیواد د رغولو لپاره د فکر د تولید سرچینه وبلل او د دې وزارت د ټولو کارکونکو په هر اړخیزه همکارۍ یې ټینګار وکړ.

د ټولګټو وزارت سرپرست او نوماند وزیر زیاته کړه: د ا.ا جمهوری ریاست جلالتمآب رئیس، تګلاره دا ده چې افغانستان د سیمې د ټرانزیټ په څلور لارې بدل شي؛ د ا.ا جمهوری ریاست د عالي مقام د دې تګلاري د تحقق په موخه باید محلي اتصال ته پاملرنه وشي تر څو سیمه ایز اتصال ته ورسیږو او د افغانستان ټولي زیربیناوې د ټرانزیټ په څلور لارې بدلي کړو، باید ورغیږي.

هغه ټینګار وکړ چې زموږ تګلاره له مصرفي حالت څخه د عایدو سرچیني ته د هیواد لپاره د ټولګټو وزارت بدلول دي او زموږ هدف د خصوصي سکټور وده، داخلي ظرفیتونو تقویت او له هغو څخه ګټه اخیستنه، د انحصار کلتور له منځه وړل، په ټیټ قیمت د کیفیت لوړول، دندو او کاري فرصتونو رامنځته کول او په هیواد کې د سړکنو ساتنه او څارنه ده.

دیادلو وړ ده چې ښاغلی انجنیر نجیب الله یمین په ۱۳۷۹ هـ ش کې لیسانس سند کابل پوهنتون انجنیري پوهنځۍ سیول (Civil) څانګي څخه، د ماسټري سند یې په ۱۳۷۸ هـ ش. ټالینډ شاهي هیواد کې له مهیدول(Mahidol) پوهنتون څخه د طبعي سرچینو جامع مدریت په څانګه کې او ورسته یې د فوق ماسټري سند په ۱۳۹۳ هـ ش. د امریکا متحده ایالاتو ایالتي پوهنتون مشیګن (Michigan) څخه د طبعي منابعو په برخه کې لاسته راوړی،هغه همدارنګه په ملي او نړيوالو ادارو کې ۲۰ کاله کاري تجربه لري.

...

10 میاشتې ۱ اونی ago

...

...

تازه خبرونه

چهارشنبه ۱۴۰۳/۱/۸ - ۱۳:۱۵
Background image

د سالنګونو لویې لارې په ګډون د هېواد د یوشمېر لویو لارو او سړکونو د نن ورځې وضعیت

سالنګونه: نن ورځ په سالنګونو کې هوا وریځ ده، د واورې اورښت جریان لري، کوچني او لوی مسافر وړونکي وسایط د دواړو لورو تګ راتګ کولای شي، خو باروړونکي وسایط له شمال څخه جنوب لوري ته د تګ. . .

یکشنبه ۱۴۰۳/۱/۵ - ۱۳:۳۱
Background image

په هلمند ولایت کې د سړک د دوو ترمیماتي پروژو کار جریان لري

 د ټولګټو وزارت لخوا په هلمند ولایت کې د ګرشک ولسوالۍ – سنګیلان سیمې پوري د ۹۶ کیلومتره سړک د ترمیم او بیا رغونې کار چې د ۳۹ پایو پُلګوټو د ترمیم کار هم پکې شامل دی، چې رغنیزېې چارې یې. . .

پنجشنبه ۱۴۰۲/۱۲/۲۴ - ۱۳:۲۰
Background image

د هېواد یو شمېر لویې لارې او سړکونه چې د تیرو ورځو د واورې ورښتونو له امله د ترافیکو پرمخ تړل شوي وو دا مهال پاک کاري شول

سالنګونه: یاده  لویه لار د واورې تیز اورښت، طوفان او دید ساحې د محدودیت له امله وړمه شپه د شپې ۸:۳۰ بجې د وسایطو د تګ راتګ پرمخ تړل شوې وه چې له نیکه مرغه نن د سهار ۵:۰۰ بجې د کوچنیو او. . .

BACK TO NEWS