د ټولګټو وزارت سرپرست د ۷۷ ترکي ساختماني شرکت له مرستیال سره لیدنه وکړه
د ټولګټو وزارت سرپرست الحاج ملا عبدالمنان عمري د افغانستان د لویو لارو د ویجاړو شویو پلونو د بیارغونې او جوړولو په اړه د ترکیې ۷۷ ساختماني شرکت له مرستیال براق انسال سره لیدنه وکړه.
په دې ليدنه کي؛ دواړو خاوو د زابل ولایت د بسکي پل په اړه چې د کابل – کندهار پر لویه لار د ترکي ۷۷ ساختماني شرکت له خوا د نمونې په ډول تر کارلاندې دی بحث وشو او د ټولګټو وزارت سرپرست د یاد شرکت له همکارۍ څخه مننه وکړه.
همدا رازپه یاده لیدنه کې پرېکړه وشوه، چې د وزارت او ياد شوي شرکت ګډ ټيم به د کابل - کندهار او د سالنګ لويې لارې له ويجاړ شويو پلونو څخه ليدنه وکړي او د تخنیکي سروې د طی مراحل او قرارداد ورسته به د یو شمېر نور پلونو د ترمیم او بیارغونې چارې هم پیل شي.