د ټولګټو وزارت لخوا، په پکتيکا ولايت کې د ۳.۹ میلیونه افغانیو په ارزښت د یو باب د تعمیر کار پیل شو
دټولګټو وزارت سرپرست وزیر محترم الحاج ملا محمد عیسی ثانی، د خپلو ولایتي سفرونو په لړ کې، چې يو تخنيکي ټيم يې ملتيا کوله؛ پکتیکا ولايت ته سفر وکړ او هلته یې د یاد ولایت د محترم والي مولوي فیض الله جمال حقاني، د دغه ولایت د ټولګتو رئیس، د بشري سرچینو د رئیس او د دغه وزارت د مالي چارو کارپوه په شتون کې د دغه ولایت د ټولګټو ریاست لپاره د یو باب ودانۍ د رغونې د بنسټ ډبره کېښوده.
د یادې پروژې کار د ټولګټو وزارت او یو خصوصي ودانیز شرکت تر منځ د ۳۹۸۶۳۲۳ افغانیوپه ارزښت قراداد شوی چې نن یې رسماً چارې پیل شوې.
د ټولګټو وزارت سرپرست وزیر د پکتیکا ولایت له والي سره د لیدنې پرمهال، د شرنې - مټاخان ۱۰.۶ کیلومتر سړک د بیا رغونې کار د ۱۴.۶ میلیونه افغانیو په ارزښت، د شرنې – بند سرده ( غزني مرز) ۲۱ کیلو متره سړک د ۷.۶ میلیونه افغانیو په ارزښت او د دغه ولایت د ټولګټو ریاست لپاره د یوباب تعمیر یادونه وکړه چې د رغونې او ترمیم کاریې دا مهال جریان لري او دغه راز د ټولګټو وزارت سرپرست وزیر زیاته کړه، چې د هغو سړکونو کار چې د اقتصادي پلوه ارزښت لري د مالي بودیجي په پام کې نیولو سره د راتلونکي کال په کاري پلان کې شامل او کار به یې پیل شي.
د یادونې وړده، چې د ټولګټو وزارت سرپرست وزیر په دغه سفر کې د یاد ولایت د تر کارلاندې پروژو څخه لیدنه وکړه او دیاد ولایت دټولګټو ریاست له مسؤلانو او کارکونکو سره یې وکتل او د هغوی نظریات او وړاندیزونه یې واریدل؛ او د یاد ولایت کار کونکو سره یې د تخنیکي برخو د پیا وړتیا وعده وکړه.
دغه راز؛ په یاد سفر کې چې د بشري سرچینو رئیس محترم انجنیر فضل الباری بلوڅ او د دغه وزارت د مالي چارو کارپوه عبدالعلیم خورشید د یاد ولایت د مالی او بشري سرچینې و ارزولې او د کار دغوره والي په هکله یې د یادو ادارو کارکونکوته لازمې لارښونې وکړې.
