د پنجشیر ولایت د آبشار ولسوالۍ سړک ۲۵ سلنه جوړ شوی
د پنجشیر ولایت د آبشار ولسوالۍ سړک ۲۵ سلنه جوړ شوی
دا پروژه د پنجشیر ولایت له مرکز څخه تر شمالي آبشار ولسوالۍ پورې د غځېدلی سړک ده، چې ۱۳ کیلومتره اوږدوالی او ۵.۶ متره پلنوالی لري.
یاد سړک په بیلابیلو اندازو کې ۸۵ پایې پُلګوټي او ۹۷۵۸ متره استنادي دیوالونه لري چې د افغانستان حکومت له ملي بوديجې تمولیږي،
د دې پروژې د رغنیزو چارو تړون د څه باندې ۶۱۵ میلیونه افغانیو په ارزښت له یوه خصوصي ودانیز شرکت سره شوی او تر دې مهاله یې د جوړېدو چارې ۲۵ سلنه پرمختګ لري.
د دې پروژې د کار له بشپړیدو سره به د آبشار ولسوالۍ د سړک په اوږدو کې میشت کلي د پنجشیر ولایت له مرکز او ځینو نورو ولسوالیو سره ونښلي چې پر مهال به یې د آبشار ولسوالۍ د ۲۱ کلیو ترانسپورټي ستونزې هوارې کړي او حاصلات به یې پر وخت مارکېټ ته ورسیږي.
د ټولګتو وزارت ــ کابل
لیندۍ ۱۱، ۱۳۹۹