د کندهار ۔ اروزګان لویې لارې د اساسي ترمیم او بیارغونې کار جریان لري
د ټولګټو وزارت له لوري، د کندهار – اروزګان لویې لارې د اساسي ترمیم او بیارغونې کار جریان لري.
دا لویه لار، چې ١١٠ کیلومتره اوږدوالی او ٧ متره پلنوالی لري، د کندهار له ارغنداب ولسوالۍ څخه پیل له نیش او خاکریز ولسوالیو څخه په تېرېدو د ترینکوټ – دهراود ولسوالۍ له سړک وصلیږي، چې په څلور برخو ویشل شوي او دا مهال د دریو برخو د بیارغونې کار جریان لري.
د یادې پروژې د کار پر مهال د سیمې یو شمېر اوسېدونکو ته د کار زمینه برابره شوې او د کار له بشپړېدو سره به يې د اروزګان ولایت د اوسېدونکو ترانسپورتي ستونزې هوارې شي.
