سمنگان: د ایبک – خرم سارباغ او روی دوآب سړک د جغل اچونې چارې بشپړې شوې
د سمنگان ولایت د ټولگټو ریاست د ماشینرۍ او مسلکي پرسونل لخوا، د دې ولایت د ایبک - خرم سارباغ او روی دوآب ولسوالیو د ۱۱۰ کیلومتره غځیدلې سړک د جغل اچونې چارې بشپړي شوې.
د یاد سړک له هموارکاري او جغل اچونې سره به د خرم سارباغ او روی دوآب ولسوالیو د اوسېدونکو ترانسپورتي ستونزې هوارې شي او ایبک ښار ته به د پخوا په پرتله په اساني سره تگ راتگ وکړي.