فراه: په فراه ولایت کې د څه باندې ۳۰.۹ میلیونه افغانیو په ارزښت د ساتنې او څارنې پروژه بشپړه شوه
د فراه ولایت فراه رود پر مسیر د ۲ کیلومتره استنادي دیوال د جوړولو، ۱.۷ کیلومتره آسفالت سړک اساسي ترمیم او ۶ پایې پلګوټو په پاخه او اساسي ډول د جوړولو چارې د ټولګټو وزارت او فراه لمر خصوصي ودانیز او سرک جوړونې شرکت سره د قرارداد له مخې د څه باندې ۳۰.۹ میلیونه افغانیو په ارزښت بشپړې او ګټې اخیسنې ته وسپارل شو.
د یادې پروژي په جریان کې د سیمې یو شمیر اوسېدونکو ته د کار زمینه برابره شوې وه او په بشپړېدو سره به یې د فراه ولایت د اوسیدونکو ستونزې د پخوا په پرتله هوارې شي.
