لغمان: د ده زیارت پُل ګټي اخیستنې ته وسپارل شو
ټولګټو وزارت لخوا د لغمان ولایت د مرکز مهترلام ښار اړوند، د ده زیارت پل د ترمیم او بیارغونې چارې بشپړې شوې او د یو شمیر سیمه ییزو مسؤولینو له لوري ګټې اخیستنې ته وسپارل شو.
دا پُل ۱۰۰ متره اوږدوالی او ۵ متره پلنوالی لري، چې د سختو سیلابونو له کبله ویجاړ شوی و او د سیمې اوسېدونکي یې د تګ راتګ پرمهال له ګڼو ترانسپورتي ستونزو سره مخ کړي وو.
د سیمې خلک د ټولګټو وزارت له لوري د دغه پُل پر ترمیم او بیارغونه خوښ دي، چې دا مهال به یې له ګټې اخیستنې سره د عمرزیي، غونډۍ، شمکت او ده زیارت سیمو په ګډون د ګڼو نورو کلیو د تګ راتګ ستونزې هوارې شي او د لغمان مرکز مهترلام ښار ته به د پخوا په پرتله په اسانه او لنډه لار تګ راتګ وکړي.
د ټولګټو وزارت رسنیز دفتر
