نورستان: د کوردر پُل د تحکیمولو کار د څه باندې ۷ سوه زرو افغانیو په لگښت بشپړ شو
د ټولگټو وزارات له لوري په نورستان ولایت کې د کوردر پُل د تحکیمولو کار بشپړ شو، دا پُل چې د سیلابونو له کبله یې ځینې برخې تخریب شوي وې له بشپړ ویجاړیدو څخه د مخنیوي په موخه تحکیم کاري شو.
د پل د تحکیم کاري دا پروژه د ټولگټو وزارت له لوري له یوه خصوصي ودانیز شرکت سره د څه باندې ۷ سوه زره افغانیو په ارزښت تړون شوې وه، چې اوس یې کار بشپړ شو.
دا پُل چې د کونړ – نورستان پر غځېدلي سړک موقعیت لري، د کار له بشپړیدلو سره به د یادو ولایتونو د اوسیدونکو د تگ راتگ په برخه کې شته ستونزې هوارې شي.
