پنجشیر: د بازارک – ګلبهار سړک د داغګیري او ترمیم چارې روانې دي
د پنجشیر ولایت د ټولګټو ریاست له لوري د دې ولایت له مرکز بازارک څخه تر ګلبهار سیمې پورې د سړک د ټپي شویو ځایونو د ترمیم چارې روانې دي.
دا سړک چې ۴۸ کیلومتره اوږدوالی لري، د پنجشیر ولایت د ټولګټو ریاست د شته ماشینرۍ او پرسونل له لارې یې چارې رواني دي چې د سړک تخریب شوي او ټپي برخې له سره ورغوي.
د یادوني وړ ده، چې ټولګټو وزارت د ساتنې او څارنې برخه تل فعاله ساتلي او د هیواد له ټولو جوړ شويو سړکونو څخه له پلان سره سم ساته او څارنه کوي تر څو سړکونو ته چې په لوړ لګښت سره جوړ شوي د لیږ زیان له کبله ډير تخریب نشي.
