په سالنګونو کې د دوه کیلومتره سړک د کانکریټ اچونې کار ادامه لري
د ټولګټو وزارت د سالنګونو ریاست د ماشینرۍ او تخنیکي پروسنل پرمټ په شمالي سالنګ کې د دوه کیلومتره سړک د ترمیم کار جریان لري.
د سالنګ لویې لارې د ۳۰ کیلومتره سړک د اساسي ترمیم کار د ټولګټو وزارت له لوري له وړاندې پیل شوی دی، چې د ۱۰ کیلومترو په اوږدوالي سره به یې هغه برخې کانکریټ ریزي شي، چې د سړې هوا او ډيري واوري له کبله اسفالټ ژر تخریبیږي.
ټولګټو وزارت هڅه کوي، چې د ژمي موسم له رارسېدلو څخه مخکي د یادې لویې لارې اړوند هغه برخې په اساسي ډول ترمیم او بیاورغوي، چې د تګ راتګ پرمهال مسافر له ترافیکي ستونزو سره مخ کوي.
