د ننګرهار په روداتو ولسوالۍ کې د ۹.۹۷ کیلومتره سړک رغنیز کار دوام لري
دا پوخ سړک چې ۹.۹۷ کیلومتره اوږدوالی لري، د ننګرهار ولایت د روداتو ولسوالۍ له قطرغي کلي څخه پیل او د دې ولسوالۍ تر مرکز پورې غځیدلی، چې تر دې مهاله یې د جوړلو کار ۳۳ سلنه بشپړ شوی
د یاد سړک رغنیز کار د څه باندې ۷۵ میلیون افغانیو په ارزښت له یوه خصوصي ودانیز شرکت سره تړون شوی، چې مالي لګښت یې د هیواد له ملي بوديجې څخه ورکول کیږي
د دې سړک د رغنیز کار له بشپړیدو سره به د قطرغي کلي په ګډون، ګڼ نور کلي د روداتو ولسوالۍ له مرکز سره ونښلي او ترانسپورتي ستونزي به یې ورسره هواري شي
همدارنګه د دې پروژې د رغنیز کار پرمهال، د ننګرهار ولایت د روداتو ولسوالۍ اوسېدونکو ته به په مستقیم او غیرمستقیم ډول ۲۸،۸۵۲ کاري ورځي رامنځته شي او د سړک د کار له بشپړیدو ورسته به ۱۹۰۱ تنه په مستقیم ډول ترې ګته واخلي.
