د تخار د ینګي کلا ـ چاه آب سړک رغنیز کار ۴۳ سلنه پرمختګ لري
دا اسفالټ سړک چې ۲۷.۳ کیلومترده اوږدوالی او ۷ متره پلنوالی لري، د تخار ولایت له چاه آب ولسوالۍ څخه تر ینګي کلا پورې غځیدلی چې اوس مهال یې د جوړلو کار له ۴۳ سلنه کاري پرمختګ سره دوام لري.
د ماورای کوکچه پروژې د چاه آب – ینګي کلا سړک په اوږدو کې د بېلابېلو اندازو ۵۳ پُلګوټي او ۴۳ متره استنادي دیوالونه هم په اساسي ډول رغول کیږي.
د سړک دا پروژه د ټولګټو وزارت له لوري له یوه خصوصي ودانیز شرکت سره تړون شوي چې مالي لګښت یې د افغانستان دولت له ملي بودیجې څخه ورکول کیږي.
د ماورای کوکچه پروژې په بشپړېدو سره به د تخار ولایت شپږ ولسوالۍ او آی خانم بندر له تالقان ښار سره ونښول شي چې پر ګڼو برخو یې دا مهال کار روان دی.
