د کابل ـ پکتیا لویې لارې ویجاړې برخې ترمیم شوې
دزمري۹مه,۱۴۰۱
د لوګر ولایت د ټولګټو ریاست د تخنيکي ټيم په هڅو د کابل ـ پکتيا لويه لار؛ چې د لوګر ولايت په التمور سيمه کې د ورستیو سیلابونو له کبله ویجاړه شوې وه، بيرته د ګټې اخيستنې لپاره ورغول شوه.
همدارنګه، د یاد ولایت د ټولګټو رياست له لوري د پل علم ـ ازرې ولسوالۍ غځېدلی سړک، چې د وروستيو سېلابونو له امله د خوښۍ ولسوالۍ په شينکۍ سيمه کې ويجاړ شوی وه او خلک یې د تک راتګ پرمهال له ترانسپورتي ستونزو سره مخ کړي وه، بېرته و رغول شو.
د ټولګټو وزارت رسنیز دفتر
