د ننګرهار ولایت په هسکه مېنه کې د یو استنادي دېوال کار بشپړ شو
د ټولګتو وزارت له لوري د ننګرهار ولایت د هسکې مېنې ولسوالۍ د ګړۍ په سیمه کې د حلقوي سړک د لا تخریب د مخنیوي په موخه د ۵۸ متره په اوږدوالي او ۵ متره په لوړ والي سره د یو استنادي دېوال د رغونې کار بشپړ او په همدې مسیر د تور راغه په سیمه کې د ۲۵متره په اوږدوالي او ۶ متره په لوړوالي د یو بل استنادي دېوال د رغونې کار د ننګرهار ولایت د ټولګټو د رئیس او یو شمېر نورو سیمه ایزو مسؤولینو په شتون پیل شو.
د غه سړک چې د نهو ولسوالیو خلک د تگ راتگ پرمهال ترې ګټه پورته کوي د سړک د لا تخریب د مخنوي په موخه یادې پروژې د څه باندې درې میلیونه افغانیو په ارزښت د ټولګټو وزارت لخوا رغول کیږي.
د یادونې وړ ده چې د یادې پروژې په تطبیق سره به د خلکو ترانسپورتي ستونزې کمې شي او د سړک له لا تخریب څخه به مخنیوی وشي.
