د سمنګان د ټولګټو رئيس خپل کاري راپور د ټولګټو له سرپرست وزير سره شريک کړ
د سمنګان ولایت د ټولګټو رئیس محترم مولوي محمد رحمان محمدي په ياد ولایت کې تر کار لاندې پروژو په تړاو مفصل معلومات د ټولګټو له سرپرست وزیر محترم الحاج ملا محمد عيسی ثاني سره شریک کړل او ددغه ولايت د نښلوونکو سړکونو د بیارغونې په اړه یې خبرې اترې وکړې.
د سمنګان ولایت د ټولګټو ریس د ملاعلي پُل په رغنیزو چارو کې د سمیې اوسیدونکو او د ځینومسؤلینو لخوا رامنځ ته شوې ستونزې او خنډونه له وزیر صاحب سره شریک کړل.
د ټولګټو سرپرست وزیر محترم الحاج ملا محمد عیسی ثاني د سمنګان ولایت د ټولګټو ریاست کارونه وستایل او د شته ستونزو د حل ډاډ یې ورکړ.
دغه راز د ټولګټو سرپرست وزیر د سمنګان د ټولګټو رئیس ته لارښونه وکړه، چې د اصولو او قوانینو پلې کولو ته باید جدي پاملرنه وکړي او د هوا له برابریدو سره سم د ملاعلي پُل پاتې چارې په چټکۍ سره بشپړې کړي.
