په ثور میاشت کې د اوسپنې پټلۍ له لارې ۱۰۰۳۸۲۱مټریک ټنه انتقالات شوي دي
د ۱۴۰۵ هـ.ش. کال د ثور مياشتې له پيله تر پايه د ټولګټو وزارت د اوسپنې پټلۍ له لارې ۱۰۰۳۸۲۱ مټریک ټنه انتقالات شوي دي.
د حیرتان بندر له لارې ۶۸۸۴۷۴ ټنه، د آقینې بندر له لارې ۹۵۱۲۱ټنه، د تورغونډۍ بندر له لارې ۹۷۳۶۹ټنه او د خواف –هرات ۱۲۲۸۵۷له لارې ټنه انتقالات شوي، چې ټولټال ۱۰۰۳۸۲۱ ټنه نفتي، غیر نفتي او نور مواد دي، هېواد ته وارد او صادر شوي دي.
د انتقالاتو له ډلې یوه برخه صادرات دي، په ثور مياشت کې ۴۲۴۶ټنه صادرات شوي دي.
د یادونې وړ ده چې په ۱۴۰۴ هـ.ش کال کې ټولټال ۳۳۲٬۸۳۷ مټریک ټنه انتقالات ترسره شوي وو، دا په داسې حال کې ده، چې په ۱۴۰۵ هـ.ش کال کې د انتقالاتو کچه ۱٬۰۰۳٬۸۲۱ مټریک ټنو ته رسېدلې ده، چې د تېر کال په پرتله درې برابره زیاتوالی ښيي.
هر څومره چې د اوسپنې پټلۍ له لارې د صادراتو او انتقالاتو کچه لوړيږي، په هماغه اندازه کاري فرصتونه برابریږي، ملي عواید زياتيږي او په ټوله کې اقتصادي ثبات، ترقۍ او ځان بسياينې ته لاره هواریږي.
د ا.ا.ا دټولګټو وزارت هڅه کوي، ترڅو د لا زیاتو انتقالاتو لپاره مناسب شرایط برابر او سوداگرو ته لا زياتې اسانتياوې رامنځ ته کړي.
