د قرارداد د ورکړې د پرېکړې خبرتیا- د جبل‌السراج – سروبي لویې لارې پر مسیر له احمدبېګ تپې څخه تر سروبي پورې د ګارډ رېلونو د نصبولو پروژه

په همدې وسیله د تدارکاتو اصولو له مخې ټولو  ته خبر ورکول کیږي، چې د ټولګټو وزارت په نظر کې لري؛ ترڅو د جبل‌السراج – سروبي لویې لارې پر مسیر له احمدبېګ تپې څخه تر سروبي پورې د ګارډ رېلونو د نصبولو پروژې قرارداد، چې د MOPW/1405/W-025/NCB    تشخصیه نمبر لرونکی دی، د تدارکاتو اصولو له مخې د چلېنج آسیا ساختمانی شرکت  ته چې د جواز شمېره یې (D-82778  )ده او د  کابل ښار د دولسمې ناحیې اړوند د احمد شاه بابا مېنې په محبس څلور لارې کې موقعیت لري، د (12,670,020) افغانیو په بدل کې په قرارداد ورکړي.

هغه حقیقي او حکمي اشخاص چې په دې اړه هر ډول اعتراض ولري، کولای شي د دې اعلان د خپرېدو له نېټې څخه تر پنځو (5) تقویمي ورځو پورې خپل اعتراض په لیکلي ډول، له اړوندو دلایلو سره یوځای د ټولګټو وزارت د تدارکاتو ریاست ته، چې د ملالۍ واټ د کورنیو چارو پخواني وزارت پر سړک، د احصایې او معلوماتو عمومي ادارې ترڅنګ موقعیت لري وسپاري.

دا خبرتیا د قرارداد د عقد په معنا نه ده، او د پورته یادې شوې مودې تر بشپړېدو او د راتلونکو قانوني اجراآتو تر بشپړېدو پورې به قرارداد نه لاسلیک کېږي.