په دایکندي ولایت کې د یوه پایه پل د جوړولو چارې د څه باندې ۱۶ میلیونه افغانیو په ارزښت پیل شوې
د دایکندي ولایت اشترلي ولسوالۍ په مسیر کې د آهنګر سیند پر سر د یوه پایه پل، چې ۲۲ متره اوږدوالی او ۷.۷ متره پلنوالی لري د جوړولو چارې یې د ا.ا.ا د ټولګټو وزارت او یوه ساختماني او سرک جوړونې شرکت ترمنځ د ۱۶ میلیونه او ۴۰۶ زره افغانیو په ارزښت قرارداد او د دایکندي ولایت د ټولګټو رئیس محترم الحاج مولوي اکرامالله عبدالرافع، سیمهییزو مسؤولینو او قومي مخورو په شتون کې رسماً افتتاح او پیل شوې.
دغه پل د دایکندي ولایت مرکز له اشترلي ولسوالۍ سره نښلوي او د خلکو د تګ راتګ، د تجارتي توکو او کرنیزو محصولاتو د لېږد په برخه کې مهم رول لري. د یاد پل د جوړولو چارې به د ۱۱ میاشتو په موده کې بشپړې او ګټې اخیستنې ته وسپارل شي.
د یادونې وړ ده، چې د دې پروژې د کار په جریان کې د سیمې یو شمېر اوسېدونکو ته د کار زمینه هم برابره شوې او دسیمې اوسیدونکې د دې پروژې پر تطبیق خوښي څرګندوي.
د ا.ا.ا د ټولګټو وزارت هڅه کوي، چې د ترانسپورتي زیربناوو په برخه کې د پراختیايي پروژو د تطبیق له لارې هېوادوالو ته د اسانه تګ راتګ زمینه برابره کړي.
