په زابل کې د شاوخوا شل زره کورنیو لپاره پر ارغنداب سیند پُل جوړ شو
په زابل کې د شاوخوا شل زره کورنیو لپاره پر ارغنداب سیند پُل جوړ شو
د کب ۱۷مه ۱۳۹۹
د زابل د ټولګټو ریاست له لوري د خاک افغان ولسوالۍ په خرني کلي کې پر ارغنداب سیند یو اوسپنیز پل جوړ شو.
د زابل د ټولګټو ریاست د معلوماتو له مخې له دې ۳۵ متره اوږده اوسپنیز پله څخه شاوخوا ۲۰ زره کورنۍ ګټه اخلي چې مرکز قلات ته یې د هغوی د ساعتونو لار دقیقو ته رالنډه کړې ده.
د خاک افغان ولسوالۍ اوسېدونکو د دې پله پر رغېدو خوښي څرګنده کړې او د یو شمېر نورو ولسوالیو خلکو هم د ارغنداب پر پله د دا ډول پلونو د جوړېدو غوښتنه کړې ده.
ټولګټو وزارت د خلکو غوښتنو ته د قدر په سترګه ګوري او له پلان او بودیجې سره سم د هیواد په ګوټ ګوټ کې اړین پلونه او سړکونه رغوي تر څو خلکو ته د تګ راتګ اسانتیاوې رامنځته شي.
ټولګټو وزارت
